البارحه يوم العرب مالها صوت
عدّيت لي مرقاب ؤابعدت عنها
ؤسجّيت لي سجّات والقلب مكبوت
والضيق حوّل فالضلوع ؤسكنها
وجرّيت من زود العنا جملة بيوت
يضيق صدر المنطرب من لحنها
ياما صبرت ولا بقى للصبر قوت
والحال بانت ياعضيدي وهنها
تلعبّي الدنيا كما لعب بيلوت
اللي شراها والخساره ضمنها
حرّيف لكن لاعبن ضد عفروت
يذكر مشاريعه ويكسب رهنها
وحلّت خويّه جابت اللعب كبّوت
وبأن الخفا يوم النتيجه علنها
ومن القهر شات الورق في يده شوت
خسرت وقام وطابت النفس منها
في داخلي حربن كما عين جالوت
حرب الهموم اللي تزايد طعنها
سبّة غلا اللّي داخل القلب منحوت
نحت الصخور اللي قديمن زمنها
في جوّه الثاني شلع بالبرأشوت
والخيل خلاّها وخلّئ رسنها
والحبل لأمرخي ولاهوب مفلوت
لكن قام إبليس يأمر وينها
وأبغاك تعطيني قبل فايت الفوت
حل الحكيم إجابته مأخبنها
والسالفه حطيتها وسط تابوت
والطيبّه ما ينتقص من ثمنها
ليست هناك تعليقات:
إرسال تعليق